Íslensk ættleiðing var löggilt til að annast ættleiðingar frá Tógó árið 2011.
Miðstjórnvald Tógó er Comite National d'Adoption des Enfants au Togo (CNAET).
Tógó er aðili að Haagsamningnum um verndun barna og ættleiðingar á milli landa frá 1993.
Alls hafa verið ættleidd fimm börn með milligöngu félagsins frá Tógó.
Tvær umsóknir eru samþykktar af CNAET og bíða afgreiðslu.
Íslensk ættleiðing er eina félagið á Íslandi sem hefur löggildingu stjórnvalda til að annast milligöngu um ættleiðingar erlendis frá. Félagið var stofnað af áhugafólki um málefnið árið 1978 og hefur reksturinn lengst af verið borinn uppi af sjálfsaflafé og miklu sjálfboðastarfi félagsmanna. Fyrir tilstuðlan félagsins hafa ríflega 600 munaðarlaus börn eignast fjölskyldu á Íslandi.
Árgjald Íslenskrar ættleiðingar er 2.750 krónur fyrir einstakling.
