Fréttir

Aðalfundur 10.03.2016

Fundargerð aðalfundar Íslenskrar ættleiðingar, fimmtudaginn 10. mars 2016, kl. 20.00.

Fundarstaður: Hilton Reykjavík Nordica, Suðurlandsbraut 2, 108 Reykjavík. 

Mætt af hálfu fráfarandi stjórnar:   Hörður Svavarsson, formaður, Elín Henriksen, varaformaður, Elísabet Hrund Salvarsdóttir, meðstjórnandi, Sigrún María Kristinsdóttir, meðstjórnandi og Vigdís Ó. Häsler Sveinsdóttir, meðstjórnandi. Ágúst Hlynur Guðmundsson, meðstjórnandi var fjarverandi.

Mætt af hálfu starfsfólks skrifstofu: Kristinn Ingvarsson, framkvæmdarstjóri og Lárus Blöndal sálfræðingur.

Fundargerð aðalfundar ritaði: Vigdís Ó. Häsler Sveinsdóttir. 

Dagskrá aðalfundar:

  1. Skýrsla stjórnar.
  2. Ársreikningur félagsins fyrir liðið starfsár.
  3. Kjör stjórnar.
  4. Ákvörðun árgjalds.
  5. Breytingar á samþykktum félagsins.
  6. Umræður og atkvæðagreiðslur um önnur málefni sem löglega eru upp borin.

Hörður Svavarsson formaður ÍÆ setti fundinn og bauð fundarmenn velkomna. Hann tilefndi Gísla Ásgeirsson fundarstjóra og var það samþykkt af fundarmönnum með lófataki.

Gísli Ásgeirsson fundarstjóri tók þegar til starfa og tilnefndi Vigdísi Häsler sem fundarritara og var það samþykkt af fundarmönnum með lófataki. Fundarstjóri kynnti síðan dagskrá fundarins og kallaði eftir mótmælum um boðun fundarins. Engin andmæli og skoðaðist fundurinn því löglega boðaður.

  1. Skýrsla stjórnar:
    Hörður kynnti og fór yfir skýrslu stjórnar fyrir starfsárið 2015.
  2. Ársreikningar félagsins
    Ársreikningur 2015 lagður fram. Halli er á rekstri félagsins. Fundarstjóri ber ársreikning til samþykktar fyrir fund. Ársreikningur samþykktur.
  3. Kjör stjórnar:
    Stjórn ÍÆ á að vera samkvæmt samþykktum skipuð 7 manns. Á aðalfundi 2015 voru það fáir í framboði að ekki náðist nema 6 manna stjórn. Þá voru einungis tveir í framboði á þessum aðalfundi, Sigrún María Kristinsdóttir, sem gaf aftur kost á sér í stjórn ÍÆ og Dagný Rut Haraldsdóttir sem býður sem fram í fyrsta sinn. Þær teljast sjálfkjörnar og koma inn í stjórn en Hörður Svavarsson og Elín Henriksen láta af störfum og er þeim þakkað fyrir samstarfið síðustu ár.
  4. Ákvörðun um árgjald:
    Rætt var um að árgjald félagsins héldist óbreytt, kr. 2.750.-
  5. Lagabreytingar: 
     
    Engar tillögur að lagabreytingum á samþykktum félagsins bárust fyrir tilskilin frest sem var hinn 31. janúar sl.
  6. Önnur mál.
    Engin önnur mál.

Ekki fleira gert og fundi slitið kl. 20.35.


Svæði