Fréttir

Jólaball í Reykjavík

Jólasveinarnir munu hafa í nógu að snúast þessi jólin því að þeir hafa rétt sex daga til að koma sér til Reykjavíkur og hitta félagsmenn Íslenskrar ættleiðingar í Hörpunni.

Við vonum að það verði nóg eftir í pokanum þegar þeir koma suður svo að hægt verði að gleðja börnin á höfuðborgarsvæðinu.

Gamanið hefst kl. 13:00 í Hörpunni og verður boðið uppá vöfflur og heitt súkkulaði, ávexti og safa fyrir þá sem það vilja.

Mikil ánægja var með jólaballið í fyrra og ætlum við því að endurtaka leikinn með svipuðu sniði.
Hér eru nokkur ummæli:
„Þetta er flottasta jólaball sem ég hef farið á“; „Takk fyrir frábært jólaball“; „Jólaball Íslenskrar ættleiðingar er alltaf skemmtilegasta jólaballið!“; „Takk kærlega fyrir okkur!“.

Jólaball – Reykjavík

Laugardagur 3. desember  kl. 13-15

Harpa – Norðurljós

Skráning á heimasíðu Íslenskrar ættleiðingar

1000 fyrir félagsmenn – 500 fyrir börn

2750 fyrir utanfélagsmenn - 1350 fyrir börn 


Svæði