Fréttir

Góð viðbrögð við fréttum af ferð til Tælands

Á sunnudagskvöld var sagt frá því á Facebooksíðu Íslenskrar ættleiðingar að framkvæmdastjóri félegasins væri nú á leið til Tælands til fundar við erindreka félagsins, barnaheimili og ættleiðingaryfirvöld í landinu.

Góð viðbrögð hafa orðið við þessari frétt og félagsmenn hafa sett sig í samband við félagið með það í huga að leggja í púkk til að mæta kostnaði við ferðina. Klukkan 17 í dag barst Íslenskri ættleiðingu svo eftirfarandi póstur frá Foreldrafélagi ættleiddra barna.

Í framhaldi að frétt á Facebokk um að framkvæmdastjóri ÍÆ væri lagður af stað í ferðalag til Tælands, ákvað stjórn Foreldrafélags ættleiddra barna að styrkja þá ferð um 50.000 kr. Við vitum að ferðalög í þeim tilgangi að stofna til nýrra sambanda og hlúa að þeim sem fyriri eru kosta peninga og langar okkur því í stjórn félagsins að leggja þessa fjárhæð að mörkum með von um að þessar fáu krónur nýtist vel og að ferðin muni skila tilætluðum árangri.

Með góðri kveðju,
stjórn Foreldrafélags ættleiddra barna.

Svæði