Fyrsta viðtalið

Mælt er með því að áhugasamir panti sér viðtal hjá sérfræðingum Íslenskrar ættleiðingar.

Ættleiðingarferlinu má skipta upp í nokkur skref og er hvert skref útskýrt í stuttu máli. Fyrsta skrefið er að taka ákvörðun um hvort ættleiðing sé kostur sem fjölskyldan vill kanna ofan í kjölin, næsta skref er umsókn um forsamþykki og í kjölfarið að velja land þangað sem umsókn er send. Biðtíminn hefst loks fyrir alvöru þegar umsókn er samþykkt í upprunalandi.

Í aðdraganda umsóknar og á meðan á biðtímanum stendur býður Íslensk ættleiðing uppá metnaðarfulla fræðsludagskrá. Þegar umsókn um forsamþykki er lögð inn hefst fræðsluáætlun þar sem með markvissum hætti er farið í gegnum fjölbreytta fræðslu sem nýtist verðandi foreldrum vel. 

Í fyrsta viðtali er farið yfir það helsta sem snertir málaflokkinn s.s.

  • Hlutverk félagsins
  • Helstu lög og reglur
  • Hlutverk sýslumannsins á höfuðborgarsvæðinu
  • Hlutverk félagsráðgjafa barnaverndarnefndanna
  • Ferill forsamþykkis
  • Hversu langan tíma má gera ráð fyrir áður en að forsamþykki er gefið út
  • Helstu upplýsingar um upprunalöndin sem félagið er í sambandi við
Viðtölin eru að jafnaði í eina og hálfa klukkustund og er greitt fyrir það samkvæmt gjaldskrá félagsins.

 

Svæði