Fréttir

Í tilefni árs kanínunnar mun Konfúsíusarstofnunin Norðurljós halda upp á kínverska nýárið með veglegri nýárshátíð á Háskólatorgi í HÍ nk. laugardag (4. febrúar) kl. 14:00 – 16:00.
Boðið verður upp á alvöru kínverska nýársstemmningu með atriðum á sviði og síðan verður kynning á kínverskri menningu, m.a. kínverskri skrautskrift, matarmenningu, tesmökkun, kínverskum hljóðfærum o.fl. Kínverski drekinn mun einnig láta sjá sig og dansa fyrir okkur í byrjun.

Kínverska nýárshátíðin á Háskólatorgi er nú endurvakin eftir að hafa legið niðri undanfarin þrjú ár. Við hlökkum mikið til að gefa Íslendingum á ný tækifæri til að sjá hvernig Kínverjar halda upp á sína helstu hátíð, kínverska nýárið eða Vorhátíðina eins og hún er einnig kölluð þar eystra.

Ókeypis aðgangur, öll hjartanlega velkomin!

Konfúsíusarstofnunin Norðurljós