Fréttir

Íslensk ættleiðing stendur fyrir námskeiði um áhrif áfalla á tengsl og þroska barna og ungmenna (Complex-/Developmental trauma) og býður félagsmönnum að taka þátt gegn vægu gjaldi en námskeiðið er opið öðrum einnig. Farið verður yfir lykiláherslur í fjöláfalla-og tengslamiðuðum stuðningi. 

Námskeiðið er haldið af Sigríði Hlíf Valdimarssdóttur sviðssjóra í Klettabæ en hún starfaði um árabil í Danmörku og er m.a. með framhaldsmenntu í uppeldissálfræði með sérstaka áherslu á fjöláfalla og tengsla vanda barna og ungmenna. 

Boðið verður upp á veitingar og þau sem skrá sig fyrir 15. janúar fara í pott og eiga þess kost að vinna 15 þúsund króna gjafabréf í Brauð & co. eða gjafabréf á Pítuna.

Nánar um námskeiðið og markmið þess:

• Skilja hegðun barnsins/ungmennisins í samhengi  við aðstæður, ,,áfalla”sögu," aldur og þroska
• Finna og draga eins og hægt er úr streituvöldum í umhverfi/aðstæðum
• Geta veitt barninu/ungmenninu viðeigandi stuðning þegar það hefur ,,misst stjórn"
• Þekkja, nota og innleiða fjölbreyttar aðferðir til streitustjórnunar (self-regulation)
• Geta veitt lykilaðilum viðeigandi stuðning þannig að þeir styrkist í hlutverki sínu
• Þekkja og vinna með sína eigin styrkleika/hamlandi þætti í streituvekjandi aðstæðum

Við þetta aukast líkur á að barnið/ungmennið nái að þroskast og eiga það líf sem því var ætlað og að lykilaðilar verði nógu öruggir í hlutverki sínu.

Að auðvelda aðstandendum að skyggnast á bak við ,,hér og nú" hegðun barnsins/ungmennis með „tengslagleraugum" til þess að:

• …Ná sem oftast að skilja hegðunina í tengslamiðuðu samhengi
• Það eykur mjög líkur á að þörfum viðkomandi sé mætt á þroskavænlegan máta
• …Geta sem oftast veitt barninu/ungmenninu  öryggi, traust, festu og ramma
• Það eykur mjög  líkur á að barnið/ungmennið nái að standa sig nógu vel (good enough)
• …Geta sem oftast sýnt barninu/ungmenninu vinsemd, rósemd og yfirvegun þegar barnið er óstöðugt
• það eykur mjög líkur á að barnið/ungmennið læri að ráða betur við tilfinningar sínar og hegðun