Fréttir

 

Ágúst Guðmundsson

Finnur Oddsson

Hörður Svavarsson

Guðbjörg Grímsdóttir

Margrét Rósa Kristjánsdóttir

Karl Steinar Valsson

Vigdís Ósk Sveinsdóttir

 

Guðrún Sveinsdóttir sat einnig fundinn.

Fundurinn hófst á því að fundarmenn fóru yfir síðustu fundargerð og samþykktu hana.  

 

Mál á dagskrá:

 

 

ÍÆ hefur boðist að taka á leigu húsnæði fyrir starfsemina að Háaleitisbraut 68 í Reykjavík. Farið var yfir athugasemdir sem gerðar voru við leigusamninginn og þær samþykktar og ákveðið að húsnæðisnefndin myndi ganga að málum við leigusala. Ákveðið að flytja í júnímánuði eða um leið og húsnæðið fæst afhent.

 

Formaður lagði fram drög að skipuriti félagsins. Farið yfir skipuritið og komið með athugasemdir og tillögur að breytingum. Framlagt skipurit samþykkt með áorðnum breytingum.

 

Félagið skipar fulltrúa í regnhlífasamtök ættleiðingafélaga sem ÍÆ er aðili að. Ingibjörg Birgisdóttir var fulltrúi í NAC og Ingibjörg Jónsdóttir var fulltrúi í EurAdopt.

 

Stjórnin velur Margréti R. Kristjánsdóttur sem aðalfulltrúa og Guðrúnu Sveinsdóttur til vara sem fulltrúa ÍÆ í NAC. Einnig er ákveðið að Arnþrúður Karlsdóttir verði aðalfulltrúi og Pálmi Finnbogason varafulltrúi í EurAdopt. Skrifstofustjóra er falið að tilkynna regnhlífasamtökunum þessar ákvarðanir.

 

Verið er að vinna að nýrri fjárhagsáætlun.

 

Guðrún nefndi að NAC fundurinn yrði haldinn hér á landi fyrstu helgina í september. Stjórnin þarf nú að taka ákvörðun um það hver eða hverjir verða andlit stjórnar ÍÆ á fundinum. Einnig var rætt um að fá einhvern ráðamann til þess að mæta á fundinn og ávarpa hann.

Búið var að nefna við Gest Pálsson um að hafa erindi og ræða betur við hann í framhaldinu.

Skemmtinefndin sér um útileguna og verður Guðrún í sambandi við nefndina.

Pálmi mun vera að klára að útbúa kynningu um Nepal og ættleiðingar þaðan. Guðrún sendi fyrirspurn varðandi ferlið til Nepal, ekkert svar hefur borist enn. Einhleypt fólk hefur haft samband við skrifstofuna og allt að 25 konur hafa sýnt áhuga á að ættleiða. Einhleypir karlmenn mega ekki ættleiða frá Nepal. ÍÆ á þó enn eftir að fá það á hreint frá stjórnvöldum í Nepal, hversu hátt hlutfall af umsóknum þangað megi vera frá einhleypum.

 

ÍÆ er með löggildingu frá dómsmálaráðuneytinu um ættleiðingar frá Makedóníu. Ein hjón hafa sett sig í samband við ÍÆ og langar að ættleiða frá Makedóníu. Ekki er mikið vitað um ferlið þar en vitað er að ekki er mikið um ættleiðingar þaðan.

 

Guðrún ætlar að senda nöfn þeirra sem skráðu sig í rýnihópana til stjórnar. Finnur ætlar að halda utan um vinnu og samskipti við rýnihópa.

 

Næsti fundur áætlaður eftir 2 vikur.

 

 

Fundi slitið kl. 18.30.