Fréttir

Stjórnarfundur 30.08.2007

Fundur í stjórn Íslenskrar ættleiðingar 30. ágúst 2007, kl. 20:00
5. fundur stjórnar eftir aðalfund í mars 2007
 
Mættir: Ingibjörg J., Kristjana, Ingibjörg B., Helgi og Arnþrúður. Guðrún framkvæmdastjóri sat fundinn.
 
Sérþarfalistar
Reglur varðandi sérþarfalista endurskoðaðar. Ákveðið að tilkynna öllum umsækjendum sem hafa skráð sig á listann þegar upplýsingar um næstu börn koma. Ákveðið að fyrstu umsækendur á listanum sem eru tilbúnir með umsóknina til sendingar eru efstir á honum. Ákveðið að Ingibjörg J. og Guðrún sjái um þetta ferli.  
 
Afmælishátíðin á næsta ári
Ákveða þarf hvaða áherslur við viljum hafa hjá fyrirlesurum á 30 ára afmælishátíðinni. T.d. litið yfir farinn veg síðastliðin 30 ár og framtíðarsýn. Fá áhugaverða erlenda fyrirlesara. Æskileg dagsetning laugardagurinn 16. febrúar 2008. Auglýst verður á vefsíðu félagsins eftir áhugasömu fólki í undibúningsnefndina.     
 
PAS
Fækkað hefur í PAS nefndin ýmsum ástæðum. Hún starfar samt áfram en æskilegt er að fá fleira fólk til starfa í nefndinni.
 
Indlandi
Ráðstefna verður á Indlandi 8. til 10. október. Anju hringdi og hvatti ÍÆtil að senda fulltrúa á þessa ráðstefnu. Aðalefni þessarar ráðstefnu eru nýjar reglur varðanda ættleiðingar á Indlandi. Mikilvægt er að ÍÆ taki þáttí þessari ráðstefnu og reynt verður að nýta ferðina líka til að fá endurnýjað starfsleyfi á Indlandi. Gert er ráð fyrir að Ingibjörg J. og Guðrún fari á ráðstefnuna og munu þá heimsækja barnaheimilið hjá Anju í leiðinni.
 
ÍÆ er ekki ennþá komið með starfsleyfi á Indlandi en ekki er ljóst hversvegna þessar tafir hafa orðið. ( Send verður beiðni til sendiráðs Íslands á Indlandi um aðstoða við að fá upplýsingar hjá Cara hvers vegna þessar tafir hafa orðið á afgreiðslu starfleyfisins.)
 
Önnur mál
  1. Pólland: Helgi kom með stöðu mála varðandi ættleiðingar frá Póllandi en tengiliður sem hann hefur verið í sambandi við er að skoða málin fyrir okkur.
  1. Starfsemi félagsins:  Rætt um stefnu félagsins og starfsemi þess. Fyrir hvað stendur ÍÆ og hverjar eiga áherslurnar að vera í starfseminni? Auk hefbundinni starfa vegna umsókna um ættleiðinga þá er mikið starf unnið hjá félaginu varðandi fræðslu og stuðnings. Nauðsynlegt er að forgangsraða verkefnum eftir mikilvægi.  
  1. Opnunartími skrifstofunnar. Rætt um opnunartíma skrifstofunar sem er frá 10 til 13 alla virka daga nema föstudaga. Opnunartíminn er ekki virtur og þarf því að fara bóka fólk í viðtöl þannig að hægt sé að fá tíma til sinna störfum á skrifstofunni án truflana. Utan opnunartíma verður skrifstofan lokuð. Þetta breytta fyrirkomulag verður kynnt sérstaklega á vefsíðu félagsins og tekur gildi frá og með 1. september.
 
Fleira ekki rætt og fundi slitið.
 
Arnþrúður Karlsdóttir
Fundarritari
Til baka

Svæði