Fréttir

Stjórnarfundur 9.11.2022

Stjórnarfundur Íslenskrar ættleiðingar, miðvikudaginn 9.nóvember kl 17:30 á skrifstofu félagsins.

Mætt eru: Lísa Björg Lárusdóttir, Berglind Glóð Garðarsdóttir, Svandís Sigurðardóttir, Tinna Þórarinsdóttir
og Örn Haraldsson.

Fjarverandi: Gylfi Már Ágústsson

Í leyfi: Brynja Dan Gunnarsdóttir

Þá tók Elísabet Salvarsdóttir þátt sem framkvæmdarstjóri félagsins.

Dagskrá stjórnarfundar  

  1. Fundargerð síðasta stjórnarfundar
  2. Skýrsla skrifstofu  
  3. Umræða um einelti og hatursorðræðu 
  4. Umsögn barnaverndar 
  5. Fundur með mennta- og barnamálaráðherra - minnisblað
  6. Opið hús félagsins  
  7. Ársáætlun 2023  
  8. Jólaball og jólastund 
  9. Önnur mál  

1.  Fundargerð síðasta stjórnarfundar 

Fundargerð síðasta stjórndarfundar samþykkt án athugasemda. 

2. Skýrsla skrifstofu  
Skýrslan er ekki tilbúin þar sem við erum í einhverjum vandræðum með Sensa.  

Það hefur engin pörun átt sér stað á árinu. Starfsfólk skrifstofu reynir að vera sýnilegt og mæti á alla fundi 
og fræðslur. Næstkomandi mánudag fer starfsfólk að fara á ráðstefnu á vegum  vegum Mennta- og Barnamálaráðuneytisins um breytingar í menntakerfinu. Starfsfólk skrifstofu fylgist 
með heimasíðu Stjórnarráðsins til að athuga með viðburði sem þær vilja sækja fyrir hönd félagsins.
ÍÆ á það að detta á milli og fær ekki boð um alla viðburði. Því er mikilvægt að fylgjast með.   

Samskipti við Finnland, Svíþjóð og Noreg vegna Kólumbíu. Eru löndin með mismunandi upplifun sín á milli. Í Noregi eru 18 paranir það sem af er ári og ennþá eru 50 á biðlista hjá þeim. Alls hafa verið 44 paranir í Kólumbíu á þessu ári og þaf af 18 hjá Noregi. Það er sem skiptir máli í þessu 
samhengi er að Noregur er búið að vera í samstarfið við Kólumbíu í tugi ára og hefur sambandið þar á milli aldrei slitnað. Hvað varðar Kólumbíu þá er 90% barna sem ættleidd er util Noregs aldursbilinu 2-4 ára og oft með skilgreindar þarfir. Sá sem vinnur fyrir Noreg í Kólumbíu er fyrrverandi starfsmaður ICBF. Síðasta ættleiðing frá Kólumbíu til 
Íslands var árið 2015. Fyrirhugaður er samnorrænn fundur á næstu vikum sem Kólumbía mun boða til.    

Umræður um fleiri samstarfslönd. Það sem setur skorður við félagið er að DMR skoðar einungis eitt 
upprunaríki í einu þó að ÍÆ sé að afla sér upplýsinga um fleiri lönd. DMR er að skoða Dómíníska lýðveldið sem stendur. Félagið er að afla upplýsinga um Ungverjaland svo 
það sé tilbúið ef þar til kemur. 

3. Umræða um einelti og hatursorðræðu 
Rætt um umræðuna í kjölfar Kastljóssins, en í þættinum greinir ættleidd stelpa frá rasisma sem hún verður fyrir. ÍÆ hefur haldið umræðunni á lofti með blaða- og útvarpsviðtali auk fundar með skóla- og frístundarsviði. ÍÆ er í samræðum við Reykjavíkurborg varðandi þetta.  

ÍÆ er að reyna að vera sýnilegt í skólakerfinu og hafa samband ef vitað er af ættleiddu barni í skólanum. 
Skólarnir geta svo óskað eftir fræðslu. ÍÆ hefur verið að fara inn  í skóla og veita fræðslu m.a. vegna ofangreinds. Félagið hefur jafnframt verið að útvíkka fræðsluna og er 
hún ekki aðeins með tilliti til ættleiddra barna heldur almennt útfrá börnum sem hafa upplifað áföll. ÍÆ upplifa að það er almennt mjög mikil ánægja með þessa fræðslu. 

4. Umsögn barnaverndar 
Framkvæmdastjóri leggur fram minnisblað vegna umsagnar barnaverndar. ÍÆ er búin að vera í samskiptum við sýslumann og eru margar ástæður þess að við teljum að umsögn barnaverndar eigi 
að vera í höndum miðlægs stjórnvalds. 

5. Fundur með Mennta- og barnamálaráðherra 
Framkvæmdarstjóri og formaður stjórnar fóru á fund með Mennta- og barnamálaráðherra. Á fundinum var Sóley aðstoðarmaður ráðherra, Hlín sérfræðingur og Halldóra félagsráðgjafi. Á fundinum var sérstaklega farið yfir umsögn barnaverndar. Elísabet mun senda minnisblað á ráðuneytið ásamt gögnum sem hún mun senda á ráðuneytið.  
Ásmundur vill koma því við að fræðsla vegna ættleiddra komi inn í menntakerfið, bæði leikskóla og grunnskóla.  

6. Opið hús ÍÆ 
Þann 16. nóvember nk. verður opið hús hjá ÍÆ. Búið er að auglýsa á samfélagsmiðum og láta ráðuneytin 
vita. Á kvöldinu er fyrirhugað að segja frá félaginu en annars spilað eftir eyranu m.v. hver hópurinn verður.  

7. Ársáætlun 2023 
Skrifstofa er að vinna í ársáætlun 2023. Verið er að vonast til að það komi inn fjármagn frá 
Reykjavíkurborg vegna fræðslu í skólum, hvort sem það verður gerður fastur samningur eða ekki. 
Búið er að taka tillit til þess að stjórnin hefur afsalað sér þóknun fyrir stjórnarsetu og að skrifstofan 
færist í ódýrara húsnæði. Skv. þjónustusamningi erum við enn að fá 34 milljónir en ætti að vera ca. 45 milljónir m.v. vísitöluhækkun, þetta er ekki spurning um að DMR hækki framlagið til ÍÆ heldur er um að ræða leiðréttingu. Staðan er hins vegar sú að við sjáum ekki hvar er hægt að skera meira niður 
í útgjöldum félagsins. 

8. Jólaball og jólastund 
Fyrirhugað er jólaball ÍÆ þann 11. des á Natura. Samþykkt er að hækka gjaldið fyrir fullorðna úr 1.600 kr.
í 1.800 kr. Þá er ákveðið að hafa jólastund fyrir eldri bornin þar sem Spilavinir munu mæta. Munum óska eftir 
því að viðkomandi skrái sig á atburðinn til að sjá hver eftirspurnin er. Ákveðið er að hafa frítt inn á kvöldið 
þar sem þetta er í fyrsta sem svona viðburður er haldinn.

9. Önnur mál 
Örn er með tillögu að foreldrahittingi strax í janúar þar sem hann mun sjá um kvöldið. Hann fengi 
aðstoð frá skrifstofu ÍÆ til að auglýsa viðburðinn.  Elísabet og Örn munu finna dagsetningu sem hentar. 

Fundarlok kl. 18:50

 

Til baka

Svæði