Fréttir

Íslensk ættleiðing hefur ráðið til sín félagsráðgjafa og tvo leiðbeinendur á námskeið fyrir þá sem ættleiða í fyrsta skiptið. Guðlaug M. Júlíusdóttir félagsráðgjafi hefur verið ráðin til starfa á skrifstofu ÍÆ í 50% stöðu. Guðlaug hefur starfað á BUGL síðustu ár og fyrir þann tíma m.a. hjá Rauða krossi Íslands. Mun hún m.a. sjá um ráðgjöf og leiðbeiningar til umsækjenda og kjörforeldra.

Af gefnu tilefni viljum við taka fram að Kínverska ættleiðingarmiðstöðin hefur ekki ennþá sent samstarfsaðilum sínum upplýsingar um breyttar reglur og hert skilyrði fyrir umsækjendur í Kína, sem væntanlega ganga í gildi 1. maí n.k. Ekki er um lagabreytingu að ræða.

Samkvæmt samþykkt stjórnar Íslenskrar ættleiðingar hækkuðu gjöld hjá félaginu vegna ættleiðinga þann 1. desember síðastliðinn.