Fréttir

BA-ritgerð í sálfræði, Félagsvísindadeild Háskóla Íslands Október 2006 Leiðbeinendur: Dagbjörg E. Sigurðardóttir, Jakob Smári, Kristín Kristmundsdóttir og Málfríður Lorange. Markmið rannsóknarinnar var fyrst og fremst að auka skilning á almennri líðan ættleiddra barna á Íslandi og aðstæðum þeirra. Auk þess var vonast til þess að hún gæti gefið upplýsingar um hvort þau og kjörforeldrar þeirra fengju viðeigandi þjónustu. Foreldrar 33 drengja og 76 stúlkna svöruðu spurningalista sem þeir fengu sendan og voru það um 40% af úrtakinu. Niðurstöðurnar voru að mestu í samræmi við niðurstöður erlendra rannsókna á ættleiddum börnum og sýndu að á heildina litið farnast þeim vel. Eins og búist var við var tíðni einhverfueinkenna og einkenna athyglisbrests og ofvirkni hærri en hjá íslenskum börnum almennt. Það sem helst kom á óvart var að erfiðleikar við tengslamyndun virtust vera sjaldgæfir og að kynþroski virtist hefjast á sama tíma og hjá íslenskum börnum ólíkt því sem erlendar rannsóknir hafa bent til. Þar sem innan við helmingur foreldra hafði svarað þegar unnið var úr niðurstöðum rannsóknarinnar væri áhugavert að kanna hvort breyting verður á þeim ef fleiri svör berast.

Í sumar tóku félagsmenn ÍÆ þátt í könnun vegna rannsóknar sem Björg Sigríður Hermannsdóttir og Linda Björk Oddsdóttir unnu vegna BA ritgerðar í Sálfræði í Háskóla Íslands. Ritgerðin hefur verið sett inn á vefsíðuna undir liðinn Ýmis rit en einnig er hægt að smella hér til að lesa ritgerðina.

Í sumar tóku félagsmenn ÍÆ þátt í könnun vegna rannsóknar sem Björg Sigríður Hermannsdóttir og Linda Björk Oddsdóttir unnu vegna BA ritgerðar í Sálfræði í Háskóla Íslands. Ritgerðin hefur verið sett inn á vefsíðuna undir liðinn Ýmis rit en einnig er hægt að smella hér til að lesa ritgerðina.