Fréttir

Ingibjörg Jónsdóttir og Guðrún Sveinsdóttir áttu fund með Jóni Kristjánssyni félagsmálaráðherra og Magnúsi Stefánssyni formanni fjárlaganefndar Alþingis 31.maí.

Vegna ófyrirséðra aðstæðna verðum við að flytja útileguna okkar þetta árið og verður hún að Reykhólum í Austur-Barðastrandarsýslu. Þar verðum við með Reykhólaskóla á okkar vegum. Við komum til með að tjalda við skólann og í honum höfum við aðgang að uppþvottaaðstöðu og snyrtingum og getum borðað þar inni ef við viljum. Eins er í skólanum salur með litlu sviði og þar getum við verið ef illa viðrar. Þátttökugjald verður það sama og í fyrra eða 1500 kr. fyrir fullorðna og frítt fyrir börn. Innifalið í því er öll aðstaða í skólanum (innigisting greiðist sér) og dagskrá helgarinnar, það greiða allir sama verð hvort sem þeir verða yfir nótt eða ekki.

Nú er búið að setja á heimasíðuna, undir Greinar, B.Ed. ritgerð sem unnin var við KHÍ vorið 2006.