Fréttir

VÍSIR - Bíða bara vegabréfsáritunar

Fjölskyldan hefur fengið íslensk vegabréf.
Fjölskyldan hefur fengið íslensk vegabréf.

Útlit er fyrir að að íslensk fjölskylda, sem hefur verið föst í Kólumbíu í tæpt ár, sé á leið heim á allra næstu dögum. Þau bíða aðeins eftir vegabréfsáritun, sem er á leið frá Íslandi í sænska sendiráðið í Bogotá. 

Hjónin Bjarnhildur Níelsdóttir og Friðrik Kristinsson fóru til Kólumbíu til að ættleiða dæturnar Helgu Karólínu og Birnu Salóme í desember í fyrra. Nú hafa þau loks fengið alla pappíra og vegabréf fyrir stúlkurnar og bíða sem fyrr segir aðeins eftir vegabréfsáritun fyrir þær. 

Fjölskyldan lenti í miklum hremmingum eftir að dómari ógilti fyrri ákvörðun um að þau fengju að ættleiða stúlkurnar. Mál þeirra var í engu frábrugðið hefðbundnum vinnubrögðum í ættleiðingarmálum og hefur Íslensk ættleiðing til að mynda sagt að þau hafi gert allt rétt en eingöngu verið mjög óheppin. Mál þeirra hefur velkst um í kerfinu í tæpt ár, en í síðustu viku fékk fjölskyldan þær fréttir að allt væri til reiðu. 

Nú hefur verið ákveðið að umræddur dómari fái ekki að dæma í ættleiðingarmálum framar. - þeb

http://visir.is/bida-bara-vegabrefsaritunar/article/2012712049939



Svæði