Fréttir

Sendinefnd frá kínversku ættleiðingaryfirvölunum, CCCWA, heimsækir Ísland í boð Íslenskrar ættleiðingar þann 17. september. Sendinefndin verður hér í fjóra daga og fundar með fulltrúum yfirvalda og ÍÆ. Nefndin hefur sérstaklega óskað eftir að fá að hitta börn sem ættleidd hafa verið frá Kína og fjölskyldur þeirra. Við munum því efna til móttöku fyrir félagsmenn sem ættleitt hafa frá Kína og fjölskyldur þeirra meðan sendinefndin dvelur hér og munum kynna stað og stund fljótlega.

Í september hefst rannsóknin „Viðbrögð, líðan og stuðningur kjörforeldra á Íslandi í kjölfar ættleiðingar barna erlendis frá“. Rannsóknin er gerð á vegum félagsráðgjafardeildar Háskóla Íslands og er lokaverkefni Heiðu Hraunberg Þorleifsdóttur til meistaragráðu til starfsréttinda í félagsráðgjöf en Heiða Hraunberg er einnig kjörmóðir. Markmið rannsóknarinnar er að fá upplýsingar um sálfélagslega líðan kjörforeldra á Íslandi í kjölfar ættleiðingar barna erlendis frá með höfuðáherslu á depurðar- og þunglyndiseinkenni. Slík einkenni hafa í mörgum rannsóknum verið skilgreind sem ættleiðingarþunglyndi og er hér ætlunin að kanna tíðni, eðli og viðbrögð við einkennunum.

Sunnudaginn 16.september kl: 11:00 Húsdýragarðurinn, grillaðar pylsur í boði félagsins kl:12:00 Laugadagurinn 20. október kl:13:00 Skautar í Skautahöllinni í Laugardal Fimmtudaginn 27. desember kl:16:00 -18:00 Jólaball