Fréttir

Fyrsti foreldramorgun vetrarins verður 17. september kl. 10 - 12, en þá er ætlunin að fara í Laugardalinn að gefa öndunum brauð. Ömmur og afar eru sérstaklega boðin velkomin á þennan foreldramorgun. Einnig verður foreldradagur á Akureyri 17. september í safnaðarheimili Glerárkirkju klukkan 13 – 15.

Fundur í stjórn Íslenskrar ættleiðingar fimmtudaginn 25 ágúst. Mættir: Ingibjörg, Gerður, Lísa, Arnþrúður og Helga. Guðrún starfsmaður sat fundinn. Dagskrá fundarins: 1. Að halda hlutleysi okkar um “mat á umsækjendum”. 2. Fræðsluefni – bæklingar. 3. Skipulag funda næsta vetrar – drög. 4. Dagskrá skemmtinefndar. 5. Afrit af svarbréfi frá fræðslufulltrúum ÍÆ. 6. Önnur mál.

Við vorum að fá þær góðu fréttir frá Kolkata að barnaheimilið okkar er loksins búið að fá endurnýjað starfsleyfi sitt til að sjá um ættleiðingar til útlendinga. Nýja starfsleyfið gildir í 3 ár og við vonum að sá tími verði gjöfull. Búast má við að nokkurn tíma taki að koma málum á skrið eftir tafirnar en um leið og við fréttum meira höfum við samband við þá sem efstir eru á Indlandslistanum.