Fréttir

Útilegan sumarið 2005 verður að Logalandi í Borgarfirði helgina 8 til 10 júlí.

Nú hefur ný heimasíða loksins leyst hina gömlu af hólmi. Þessi síða er nútímalegri en hin og byggð á betri tækni. Breytingar og viðbætur eiga vonandi eftir að koma innan fárra vikna, viðbætur er lúta að lokuðu svæði með aðgangsorði. Vonandi fellur nýja síðan og innihald hennar í góðan jarðveg lesenda.

Skrifstofu Íslenskrar ættleiðingar hafa að undanförnu borist margar fyrirspurnir frá fólki sem vill kanna möguleika á ættleiðingum frá hamfarasvæðunum í Asíu. Það mun taka viðkomandi stjórnvöld langan tíma að finna fjölskyldur barnanna. Ef börnin reynast munaðarlaus þarf að leita að fjarskyldum ættingjum eða vinum fjölskyldunnar sem gætu tekið við forsjá barnanna. Stjórnvöld landanna hafa lýst því yfir að börn af flóðasvæðunum verði ekki ættleidd fyrr en nokkur tími hefur liðið, ef ekki finnast skyldmenni sem geta tekið við þeim. Á Indlandi hefur nú verið komið upp nýjum barnaheimilum til að taka við börnum sem hafa orðið viðskila við fjölskyldur sínar.