Fréttir

* Vel heppnað afmælismálþing * Ávarp forseta Íslands * Í 40 ár - Saga Íslenskrar ættleiðingar * Therapeutic Parenting and adoption * Ímyndunaraflið og af hverju skiptir það ættleidd börn máli? * Líðan fullorðinna ættleiddra á Íslandi * Þjónustusamningur * Afmælisgjöf frá Foreldrafélagi ættleiddra barna * Nýr félagsráðgjafi til starfa * Skólaaðlögun ættleiddra barna * Dominíkanska lýðveldið * Viðeyjarferð * Útilega í júní * Aðalfundur Íslenskrar ættleiðingar * Reynslusaga

Löng hefð er fyrir útilegum á vegum félagsins, en síðustu ár hefur þátttaka í þeim verið dræm og hefur skemmtinefndin ekki staðið fyrir útilegum uppá síðkastið. Nú í sumar ætlar nefndin hins vegar að reyna að blása lífi í þessa fallegu hefð. Helgin 29.júní til 1.júlí hefur orðið fyrir valinu og munu félagsmenn flykkjast í Brautartungi í Lundarreykjadal. Félagsheimilið hefur verið vinsæll staður fyrir ættarmót, brúðkaup og aðra viðburði en í húsinu er stór salur sem rúmar um 200 manns í sæti. Öðru megin salarins er svið en hinumegin minni salur og rúmgott eldhús. Á efri hæð er setustofa með nokkrum sófum og sófaborðum. Sundlaug á staðnum, aðeins fyrir okkur og salur sem að um 30 manns geta gist í ef veður er með þeim hætti að fólk þarf að komast í skjól. Að ógleymdu tjaldsvæði sem við verðum með út af fyrir okkur þessa helgi. Búið er að bóka Grillvagninn til að sjá um sameiginlegan kvöldverð á laugardeginum og vonandi náum við að setja saman skipulagða dagskrá með skemmtun og fjöri yfir helgina. Við óskum hér með eftir áhugasömum sem vilja koma að því að skipuleggja þessa helgi og hafa tök á því að leggja sitt af mörkum. Við vitum að í félaginu okkar eru margir hæfileikarríkir einstaklingar sem gætu komið að því að gera þessa helgi skemmtilega og minnistæða.

Skemmtinefnd Íslenskrar ættleiðingar stendur fyrir fjölskylduferð í Viðey Laugardaginn 19. maí. Ætlunin er að hittast á Skarfabakka og taka ferjuna í Viðey klukkan 10.15. Byrjum á því að leika okkur á rólóvellinum og leikum okkur jafnvel saman í skipulögðum leikjum. Næst göngum við saman að fjörunni þar sem Viðeyjarnaust stendur. Þar ætlum við að borða saman nesti, sem hver og einn kemur með fyrir sig, skoða lífið í fjörunni og hafa gaman í góðum félagsskap. Ef veður er með þeim hætti að ekki er hægt að sitja úti, þá er aðstaða inni í Viðeyjarnausti til að setjast og borða. Hver og einn sér um að greiða fyrir sig og sína í ferjuna og koma með nesti. Skráning er hafin á heimasíðu Íslenskrar Ættleiðingar og við biðjum fólk vinsamlegast um að skrá sig og sína, þannig að við getum gefið ferjustjóranum einhverja mynd af því hvað verða margir á ferðinni þennan dag. Leiðinlegt ef ekki verður pláss fyrir alla að komast yfir, enda gerum við ráð fyrir góðri mætingu félagsmanna á þennan skemmtilega viðburð. Áætluð heimferð er 14.30, en ferðir eru reglulega tilbaka yfir daginn. Hægt er að skoða áætlun ferjunnar hér ef fólk vill nýta sér annan ferðatíma tilbaka: http://borgarsogusafn.is/is/videy/ferjan Hlökkum til að sjá ykkur sem flest í góðum félagsskap þann 19. maí. Skráning hér