Fréttir

Þegar umsækjendur um forsamþykki hafa skilað inn umsókn sinni til Íslenskrar ættleiðingar er hún yfirfarin af sérfræðingum félagsins og áframsend til Sýslumannsins á höfuðborgarsvæðinu. Þar er umsóknin yfirfarin á ný og kallað eftir sakavottorðum og fæðingarvottorðum umsækjenda. Þegar öll gögn liggja fyrir er beiðni send til barnaverndar sveitafélagsins þar sem umsækjendurnir búa, um að kanna hagi umsækjendendanna og hæfi þeirra til að ættleiða erlent barn. Sýslumannsembættið óskar eftir því að barnaverndarnefndin kanni hagi umsækjenda og meti hæfni þeirra til að taka að sér erlent barn.

Ester Ýr Jónsdóttir og Sigþór Örn Sigþórsson ættleiddu dreng frá Tékklandi sl. vetur. Ester Ýr segir frá umsóknarferlinu, viðmóti annarra og biðinni eftir að umsóknin var samþykkt úti í Tékklandi. Hún greinir frá því sem þau hjónin gerðu til að auka vellíðan í biðinni. Auk þess segir Ester Ýr frá dvölinni úti í Tékklandi og tímanum heima með barninu. Erindi Esterar Ýrar fer fram á Hilton hóteli, Suðurlandsbraut 2, sal E, fimmtudaginn 29. september 2016, kl. 20:00. Þeim sem eiga ekki heimangegt er boðið upp á erindið á netinu. Skráning er á heimasíðu Íslenskrar ættleiðingar. Ókeypis er fyrir félagsmenn en kostar kr.1000 fyrir utanfélagsmenn.

Auka aðalfundur var haldinn þann 15. september 2016. Fyrir fundinum lá að kjósa tvo fulltrúa í stjórn. Tvö framboð bárust að þessu sinni frá Ara Þór Guðmannsyni og Sigurði Halldóri Jessyni. Þeir voru því sjálfkjörnir. Ekki var annað á dagskrá fundarins og var honum slitið í eftir að þeim var klappað lof í lófa. Nú er stjórn félagsins fullskipuð og er mikil tillhlökkun innan stjórnarinnar að takast á við komandi vetur.