Fréttir

Stjórn Íslenskrar ættleiðingar boðar til aðalfundar sem haldinn verður á Hilton hóteli, Suðurlandsbraut 2, 108 Reykjavík, 2.hæð salur F, fimmtudaginn 26. mars 2015, kl. 20:00.

Aðalfundur Íslenskrar ættleiðingar 2015 verður haldinn fimmtudaginn 26. mars, klukkan 20.

Annar mánaðarfyrirlestur Íslenskrar ættleiðingar þetta árið var haldinn í gærkvöldi miðvikudaginn 25. febrúar sl. í Tækniskólanum í Reykjavík. Fyrirlesturinn bar yfirskriftina „Er þjónusta Þroska- og hegðunarstöðvar eitthvað fyrir foreldra ættleiddra barna?“. Fyrirlesarinn var Gyða Haraldsdóttir sálfræðingur og forstöðumaður á Þroska- og hegðunarstöð. Mætingin var góð og var ánægjulegt hve margir nýttu sér að fylgjast með fyrirlestrinum á netinu. Ari Þór Guðmannsson átti vega og vanda af tæknilegri útfærslu þessarar leiðar og á hann sérstakar þakkir skilið fyrir það. Almenn ánægja var með fyrirlesturinn. Umræðan í kjölfar hans var mjög áhugaverð og spennandi þar sem fólk velti fyrir sér hvort og á hvern hátt þjónusta Þroska- og hegðunarstöðvar gæti nýst fyrir ættleidd börn og foreldra þeirra. Almennur áhuga var á því að halda þeirri umræðu áfram og finna mögulegar leiðir til að sinna þörfum þessa hóps. Við þökkum Gyðu fyrir góðan fyrirlestur og við hlökkum til væntanlegs samstarfs.