Fréttir

Hópastarf fyrir ættleidd börn fædd 2002 til 2004. Vegna fjölda áskoranna hefur verið ákveðið að breyta tímasetningu á hópastarfinu en nú verður hópastarfið frá kl 14:00-16:00. Hópurinn mun halda til í Félagsmiðstöðinni Bústöðum og hittist í fyrsta skipti kl. 14:00 laugardaginn 31. janúar n.k. Gert er ráð fyrir að hittast vikulega í átta skipti, tvær klukkustundir í senn. Í fyrsta tímann koma foreldrar með börnin sín þar sem leiðbeinendur kynna sig og hópastarfið. Lögð verður áhersla á góða samvinnu við foreldra.

Kynning á þjónustu og starfi Íslenskrar ættleiðingar. Starf og þjónusta ÍÆ er umfangsmikil, hefur tekið miklum breytingum á síðustu árum. Starfið og þjónustan miðar að því að sinna félagsmönnum eins vel og kostur er enda eru þeir félagið. Mikilvægt er að hafa í huga að allir félagsmenn eru jafn mikilvægir hvar svo sem þeir eru staddir í ættleiðingarferlinu. Eitt af markmiðum ÍÆ er að tryggja góða faglega þjónustu og ekki síst gott aðgengi að starfsfólki félagsins. Það er mikilvægt að félagsmenn séu vel upplýstir um þjónustu félagsins, því verður á fyrsta fyrirlestri ársins farið í saumanna á þjónustunni. Kynningin fer fram í hátíðarsal Tækniskólans við Háteigsveg, miðvikudaginn 28.janúar, klukkan 20:00. Þeim sem eiga ekki heimangengt er boðið upp á kynninguna á netinu. Skráning er á isadopt@isadopt.is Félagsmenn ÍÆ og aðrir áhugasamir um málefni ættleiðinga eru hvattir til að mæta.

Eng­inn ein­hleyp­ur karl­maður hef­ur óskað eft­ir að fá að ætt­leiða barn í gegn­um fé­lagið Íslenska ætt­leiðingu. Nokkr­ir ein­hleyp­ir karl­menn hafa haft sam­band við sam­tök­in Staðgöngu að und­an­förnu og sýnt mögu­leik­an­um á því að eign­ast barn með hjálp staðgöngumóður áhuga. Gerð frum­varps um staðgöngu­mæðrun í vel­gjörðarskyni er á loka­stigi. Ein­hleyp­um var gert kleift að ætt­leiða með breyt­ingu á lög­um árið 1999 en í lög­un­um seg­ir að ein­stak­ling­un­um sé það heim­ilt ef sér­stak­lega stend­ur á og ætt­leiðing sé ótví­rætt tal­in barn­inu til hags­bóta.