Fréttir

Kínverska ættleiðingarmiðstöðin (CCCWA) hefur tilkynnt að umsækjendur sem sóttu um til og með 4. desember 2006 hafi verið paraðir við barn. Að þessu sinni var unnið úr umsóknum sem bárust frá 30. nóvember til og með 4. desember, eða umsóknir sem bárust á 5 dögum.

Leikhópurinn Háaloftið frumsýndi leikritið Útundan 10. apríl síðastliðinn og ráðgerði að sýna fjórar sýningar. Vegna mikils áhuga var bætt við tveimur aukasýningum, laugardaginn 3 maí og sunnudaginn 4. maí. Í lok sýningarinnar á laugardaginn munu leikstjóri, leikarar ásamt Lárusi H. Blöndal, sálfræðingi hjá Íslenskri ættleiðingu ræða um efnistök verksins og bjóða áhorfendum að taka þátt í spjallinu. Kristinn Ingvarsson framkvæmdastjóri Íslenskrar ættleiðingar mun stýra umræðunum. Sýningin hefst kl. 20:00 og er miðaverð 2.900 krónur. Miðasala: midi.is eða tjarnarbio.is

Aðalfundur og ráðstefna evrópska ættleiðingarsambandsins EurAdopt stendur nú yfir í Stokkhólmi og hefur framlag Íslands vakið mikla athygli.