Fréttir

Næsti fræðslufyrirlestur Íslenskrar ættleiðingar verður haldinn fimmtudaginn 13. mars kl. 20:00. Að þessu sinni munu Karen Sif Róbertsdóttir og Lísa Björg Lárusdóttir sem báðar eru ættleiddar frá Indonesíu 1982, deila reynslu sinni af því að alast upp á Íslandi. Fræðslan mun standa í ca. tvo tíma og mun Lárus H. Blöndal sálfræðingur stýra umræðum í framhaldinu. Fyrirlesturinn veður haldinn í hátíðarsal Tækniskólans við Háteigsveg (gamli Sjómannaskólinn). Skráning er á isadopt@isadopt.is Fræðslan er ókeypis fyrir félagsmenn en kostar 1000 kr. fyrir utanfélagsmenn.

Stjórn Íslenskrar ættleiðingar, boðar til aðalfundar sem haldinn verður í hátíðarsal Tækniskóla Íslands (gamla Sjómannaskólanum), Háteigsvegi, þriðjudaginn 25. mars 2013, kl. 20:00. Dagskrá fundarins er samkvæmt samþykktum félagsins hefðbundin aðalfundarstörf.

ÍÆ hefur borist ábending um að aðalfundur félagsins sem boðaður var á morgun sé ekki vel kynntur eða lítið auglýstur. Það er eðlilegt að taka tillit til slíkra ábendinga og hefur stjórn félagsins því ákveðið að fresta fundinum um þrjár vikur. Fundurinn verður auglýstur ítarlega.