Fréttir

Þann 6. nóvember næstkomandi klukkan 20:00, stendur Íslensk ættleiðing fyrir fræðsluerindi sem heitir Áhrif áfalla á börn og er það Þóra Sigfríður Einarsdóttir sálfræðingur sem mætir til okkar í þetta sinn. Fjallað verður um hvernig áföll hafa áhrif á þroska barnsins, ekki síst áföll sem barnið verður fyrir í frumbernsku. Farið verður yfir helstu einkenni í kjölfar áfalla og hvernig best er að hlúa fjölskyldunni þegar barn á að baki áfallasögu. Þóra Sigfríður Einarsdóttir er sérfræðingur í klínískri barnasálfræði með áfallasálfræði sem undirgrein. Þóra Sigfríður hefur starfað sem sálfræðingur frá 2003, þá einkum með fólki sem hefur orðið fyrir áföllum. Í dag starfar hún á Domus Mentis – Geðheilsustöð, ásamt því að vera í doktorsnámi í sálfræði þar sem hún rannsakar áhrif áfalla á geðheilsu fólks. Fræðslan hefst klukkan 20.00 miðvikudaginn 6.nóvember og er haldin í Framvegis, Skeifunni 11, Reykjavík, 3.hæð. Erindið er félagsmönnum Íslenskrar ættleiðingar að kostnaðarlausu en kostar 1000 kr fyrir aðra.

1. Fundargerð síðasta stjórnarfundar 2. Mánaðarskýrsla 3. NAC ráðstefna 4. Tógó 5. Barna – og unglingastarf 6. Fræðsluáætlun 7. 6 mánaða uppgjör 8. Viðbragðssjóður 9. Önnur mál 9.1. Ráðstefnan Breytingar í þágu barna. 9.2 .Persónuverndarlög.

Sunnudaginn 20. október næstkomandi ætlum við að hittast í Spilavinum frá klukkan 14-16 í salnum hjá þeim á neðri hæð verslunarinnar sem staðsett er á Suðurlandsbraut 48 (bláu húsin í Skeifunni). Kjörið tækifæri fyrir félagsmenn, börn og fullorðna saman, til að hittast og spjalla, eiga notalega stund ásamt því að læra ný spil eða dusta rykið af gömlum spilum. Salurinn tekur aðeins við 40 manns, því þurfum við að takmarka fjöldann við þá tölu. Verð á mann fyrir þátttöku er 1000 krónur fyrir fullorðinn og 500 krónur fyrir börn ef þið eruð félagsmenn. Verð fyrir utanfélagsmenn er 2900 krónur á mann.